KİŞİ PREZERVATİVİNİN İSTİFADƏSİ (İNSTRUKSİYA)

Photo: advocate.com

Prezervativ həm doğum planlaması, həm cinsi yolla ötürülən infeksiyaların ötürülməsinin qarşısının alınması, həm də İİV-in ötürülməsinə qarşı unikal vasitədir. Lakin, prezervativdən düzgün istifadə etmək lazımdır.

KİŞİ PREZERVATİVİNİN İSTİFADƏSİ:

1.Barmaq ucları ilə (dırnaqlarla yox, dişlə yox, "otkrıvalka" ilə yox; kondom zədələnə bilər) açılır, adətən açılma yeri göstərilir.

2. İçəriyə barmaq salıb, prezervativi götürmək olmaz, kondom sürüşkəndir. Paketin üstündən aşağıdan itələməklə rahatlıqla çıxarıla bilər.

3. Barmaq ucları ilə kondomun halqasından tutaraq onu qabından çıxarırıq.

4. Kondomun içinə üfləməklə onun başlığının hansı istiqamətdə olduğunu yoxlayırıq. (Qətiyyən, kondomun içinə barmaq salmaq olmaz)

5. Daha sonra prezervativi bir əllə ucluğundan, digər əllə halqadan tutaraq, ereksiya vəziyyətində olan penisə keçiririk və tam olaraq aşağı çəkirik. Kondom penisi tam örtməlidir.

6. Cinsi əlaqədən sonra kondomu ucluğundan tutaraq aşağı çəkirik və çıxarırıq.

7. Kondomu çıxarandan sonra onun səthini barmaqlarımızla yuxarıdan aşağı sıxlamaqla yoxlayırıq kondom cırılıb ya yox, və ya defekti varmı (Çox çox az ehtimalla cırıla bilər, kondom çox möhkəm materialdandır)

Qeyd: Əgər cırılma müşəhidə etsək, partnerə bu barədə mütləq məlumat verməliyik, həkimə müraciət edə bilsin. 

#İİVəqarşı

Uzun və sevgi dolu yaşayın